Gherbiy sériq uyghur tili heqqide deslepki izdinish

"Turpanshunasliq tetqiqati", 2013. - 18 b.Sériq uyghurlar bügünki künde 14 ming nopusqa ige, gherbiy we sherqiy sériq uyghur tili, shuningdek xenzu tilini qollinidighan üch tilliq xelq. Sherqiy sériq uyghur tili Mongghul tili a'ilisige mensup, gherbiy sériq uyghur tili bolsa Türkiy tillar a'ilisige mensup. Sériq uyghur namigha oxshashla uyghurlar bilen qan qérindash, shuningdek - tarix, til we medeniyetlerde birmunche ortaqliqlargha sahip xelq. Sériq uyghurlarni we ularning tilini chüshinish öginish uyghur medeniyiti we tilini tetqiq qilishta kem bolsa bolmaydighan muhim matériyal menbesidur. Shunga mezkur maqalimizda gherbiy sériq uyghur tili heqqidiki deslepki izdinishlirimizni otturigha qoyup ötmekchimiz. (Maqalida Sériq uyghur alimi Yakér 'Jong Jingwén'ning "Gherbi Sériq uyghur tilini teswirilesh tetqiqati" namliq kitabidiki tiransikripsiyelik belgiler asas qilindi).